Klinika

KLINIKA ART

       Klinika ART është themeluar në qershor të vitit 2008 nga Dr.Sh Mj Jetmira Fejza, mjeke ORL.

       Në vitet e para shërbimet kanë qenë shërbime diagnostikimi, disa prej të cilave unike për vendin tonë si: Videolaringoskopi, sondë pehashi, mikroskopi e veshit, audiometri, timpanometri etj. Këto shërbime vazhdojnë me shumë sukses edhe sot dhe që janë plotësuar edhe me shërbime të tjera në fushën e kirurgjisë estetike si : Plastike e hundës, veshëve, buzëve dhe kapakëve të syrit, shërbimeve zbukuruese si: botox, fillersa dhe aplikim i plazmës në fytyrë.

       Ne vitin 2010 pas disa specializimeve të stafit tonë në fushën e audiologjisë dhe audioprotezimit, konkretisht në Danimarkë, Slloveni dhe Greqi, morëm përfaqësinë nga kompania Daneze Widex për protezimin e aparateve të dëgjimit, shërbim i cili vazhdon edhe sot me një rrjet të organizuar mirë dhe i shpërndarë në disa rrethe të Shqiperisë. Në dhjetor te vitit 2022 fillon bashkëpunimi me kompaninë zvicerane Phonak, ku morëm statusin e përfaqësuesit zyrtar.

       Shërbimi mbulon jo vetëm fushën e vendosjes së aparateve të dëgjimit por dhe laborator për shërbime dytësore dhe servisimi. Laboratori është i kompletuar dhe i paisur me aparatura të prodhuara nga kompanitë Gjermane, Dreve dhe Egger.

       Klinika jonë bën edhe shërbime në banesë për vendosjen e aparateve të dëgjimit për njerëzit e moshuar ose që nuk mund të lëvizin. Ky shërbim bëhet pa asnjë kosto shtesë për klientin për largësi deri në 30 km nga Tirana.

CV

       Dr. Jetmira Fejza (Bulaj), është mjeke specialiste ORL. Ka lindur në qytetin e Shkodrës.

       Ka mbaruar  Fakultetin e Mjekësisë në Universitetin e Tiranës me rezultate të shkëlqyera (notë mesatare mbi 9.85) dhe më pas ka kryer specializimin postuniversitar në Otorinolaringologji (ORL) me rezultate të shkëlqyera.

       Ka  kryer disa specializime jashtë shtetit :

1. Në Salzburg të Austrisë në vitin 2004 për kirurgjinë plastike dhe rikonstruktive të organeve ORL.

2. Në Forli të Italisë në vitin 2005 për endoskopinë ekzaminuese në ORL.

3. Në Wuerzburg të Gjermanisë në vitet 2009, 2010, 2011 për kirurgjinë e veshit.

4. Në Turqi (Cannakale) për kirurgjinë e veshit në vitin 2010.

5. Në Ankara të Turqisë në vitin 2014 për kirurgjinë e veshit dhe implantet kokleare.

6. Në Heidelberg të Gjermanisë në vitin 2015 për kirurgjinë e veshit dhe implantet kokleare.

       Ka mbrojtur masterin shkencor në ORL në vitin 2007 dhe më pas ka marrë titullin Doktor i Shkencave Mjekësore (D.R.SH.) në vitin 2013.

       Është pedagoge e jashtme në Fakultetin e Mjekësisë.

       Kryen ndërhyrje kirurgjikale për të gjitha sëmundjet e veshit, hundës dhe grykës, si dhe  ndërhyrje për zbukurimin e hundës, veshëve, buzëve, heqjen e rrudhave etj.

VIZIONI

Vizioni ynë është që ti japim njerëzve mundësi që të dëgjojnë në mënyrë perfekte.

MISIONI

Misioni ynë është që ti japim klientit aparatet e dëgjimit më të mirë në treg, si dhe shërbim sa më të kulturuar.

Ne ofrojmë aparatet e dëgjimit më të avancuara në treg dhe me tinguj më natyral.

Të ndihmojmë njerëzit, ky është qëllimi ynë.

VLERAT

-Klienti është i pari.

Ne kemi klientët në qendër të gjithckaje që bëjmë. Ne përpiqemi vazhdimisht që të plotësojmë nevojat e tyre dhe ti mbajmë vazhdimisht të kënaqur.

-Ne jemi të besueshëm.

Ne kemi perspektivë afatgjate në cdo gjë që bëjmë.

Ne shesim produkte të një cilësie të lartë si dhe më të mirat e kohëve të fundit, duke mbajtur besimin e klientëve tanë.

Ne jemi shumë të fokusuar në efikasitet.

-Ne punojmë me pasion.

Ne jemi pasionantë për ti ndihmuar njerëzit të dëgjojnë mirë.

Ne interesohemi për punën tonë dhe njerëzit rreth nesh.

Ne jemi krenarë në punën tonë.